telegram booloor ,کانال بولور , کانال تلگرام ,کانال ,تلگرام , بولور
ویدیو / رامیز تکانی متن شعر نجه باریشیم من بو زامانلا؟ + دانلود

دانلود ویدیو رامیز تکانی متن شعر نجه باریشیم من بو زامانلا؟ + دانلود شعر با صدای خود شاعر

شعر نجه باریشیم من بو زامانلا

رامیز تکانی,نجه باریشیم من بو زامانلا

دانلود فایل صوتی شعر نجه باریشیم من بو زامانلا

دانلود آهنگ

حجم : 4.50 مگابایت

***————————————————————————————————-***

ویدیو رامیز تکانی متن شعر نئجه باریشیم من بو زامانلا

حجم : 8.30 مگابایت

– دانلود ویدیو –

[ متن شعر نجه باریشیم من بو زامانلا ]

عدالت شام کیمی اریییر آلله

زور حاققی دیوارا دیرییر آلله

یالان آیاق آچیب یری ییر آلله

باجارا بیلمیر سه دوغرو یالانلا

دئ نجه باریشیم من بو زامانلا؟

***

مردلرین باشینی نامرد لر یئییر

شره گوز وئرمییب گوز یومور خئییر

گدا لار اوزونه شاهنشاه دئییر

یاخشیلار ایش گورور پیسله یامانلا

دئ نجه باریشیم من بو زامانلا؟

***

اوره کلر سوویوب اولوب بوز کیمی

ناموس چئینه نیلیر بیر ساققیز کیمی

اون ایلین پوزقونون تمیز قیز کیمی

گلین کوچوره ن باش ، تویلا نیشانلا

دئ نجه باریشیم من بو زامانلا؟

***

بوغسوز کیشی لری ائل آغ ساققالی

ائلینده ن دم ویریر ، آغیلدان کالی

پلنگه تای اولوب چاققال چوققالی

قویونو آشنالیق ائدیر قابانلا

دئ نجه باریشیم من بو زامانلا؟

***

غیرت چوخلاری ایچون اولوب غیری ، اَت

بیر میلیون قاچقینی اولان بو میللت

دوزوب صبر ائله ییر ، دئهشتدی ، دئهشت

گویا بیلمیریک سه بیز قانی قانلا

دئ نجه باریشیم من بو زامانلا ؟

***

رامیل صفر اُف ا آزادلیق هانی ؟

وئردی یاد اللره او مرد اوغلانی

آللاه یئره سوخسون آذربایجانی

بو حیالی جانلا بو هیجانلا

دئ نجه باریشیم من بو زامانلا؟

***

ایندی بیر شعار وار یاشاسین روشوت

باشدا وظیفه دیر آیاغدا غیرت

بو یوللار هاریا گئدیر بو میللت

یولی کسمه گ اولمور حتی قرانلا

دئ نئجه باریشیم من بو زامانلا؟

***

آتا ، آناسینی اوغراشلار بو گون
قوجالار ائوینه ائدیرسه سورگون

قاراباغ آلینار؟ بو غیر ممکن
دونیانی تیتره دن آه و فغانلا
دئ ، نجه باریشیم من بو زامانلا؟

***

هر کسن اوز خیرین گودور حیاتدا

بو ایشه آللاه دا مات قالیب حتی

ایکی دوغما قارداش بیر دامین آلتدا

بیر اوجاق یاندیریر ایکی قازانلا

دئ نئجه باریشیم من بو زامانلا ؟

***

حاققا یوخ نفسه دیر ایندی اعتقاد

بیر کیمسه یوخسولا ائتمه ییر امداد

وارلی اوز دولتین چکدیریر ای داد

کاسیب اوز چکی سین چکن قاپانلا

دئ نئجه باریشیم من بو زامانلا؟

***

وارلی سفره سینده اولان توخ میلچک

گؤرورلور کاسیب‌دان حرمتده یوکسک

پول اوچون فقیره هانسی‌سا ائششک

اگر ائمر ائدیرسه خوروز تک بانلا

ده ، نئجه باریشیم من بو زامانلا؟

***

کاسیب نه دئییرسه ، ائشی دئییرلر
دلی‌دی ، ایشلئمیر باشی دئییرلر
ایندی دؤولئتلیئ کیشی دئییرلئر
من‌لیک اؤلچولورسه دؤولئتله-شانلا

ده ، نئجه باریشیم من بو زمانلا

***

یایین ایستیسینده ، قیشین قارین‌دا

کیشی وار یاشاتماق اینتیظارین‌دا

نفت-گاز اؤلکسینده قول بازارین‌دا

ائششک تک ایشلئییر چوللا ، پالانلا

دئ ، نئجئ باریشیم مئن بو زامانلا؟

***

آوروپا ، دَبینه اولاندان کوله

عار ، زیبیل شکلینده آتیلیب چوله

آدام خجالتده ن آز قالیر اوله

داربالاغ شالوارلا یاریق تومانلا

دئ نئجه باریشیم من بو زامانلا؟

***

من وحشی چیمرلیک گوردوم بو یایدا

دقت ، فایشا خانا تیکیلیر آیدا

آتا ماسکاوا دا آنا دوبایدا

اوغول پاراپئتده ، قیز ، اوزون آنلا

دئ نئجه باریشیم من بو زامانلا؟

***

شاعیرلر یازماسین سئوگی شعرینی

مجنونلار بولواردا گزیر لیلی نی

ائرکَیلر ائرکَیَه سالیر میلینی

نکاح  باغلییر سا زنان زنانلا

دئ نئجه باریشیم من بو زامانلا؟

***

کیشی وار ائو ساتیب قیز کیرئلئییر

فیرمئننی موتئلدئ جان شیرئلئییر

آرواد اوشاغی‌سا باش گیرئلئییر

بیر پارچا چؤرکله ، بیر باش سوغانلا

دئ ، نئجئ باریشیم مئن بو زامانلا؟

***

آرواد وار ارینین سوزونه باخمیر

ار وار آروادینین اوزونه باخمیر

بو دونیا ، گوزگوده اوزونه باخمیر؟

هانی نوح پیغمبر گلسین طوفانلا

دئ نئجه باریشیم من بو زامانلا؟

***

مامورلار فرعون تک ایلئشیب تاخت‌دا

تورپاق قانونونون ایجراسی ساختا

کامپیوتر تئکنیکا اولان بو واخت‌دا

کندلی یئر شوملاییر خیشلا ، کوتانلا

دئ ، نئجئ باریشیم مئن بو زامانلا؟

***

جنایت توره ده ن حاکیم بیزده دیر

خسته سین اولدوره ن حکیم بیزده دیر

اوزون کشف ائتمییه ن عالیم بیزده دیر

بو عصبی باشلا ، بو دردلی جانلا

دئ نئجه باریشیم من بو زامانلا؟

***

گئرایین ساققیزدی یوخ‌سا ماروژنی

گؤرئن هارا باخیر بیزیم تاموژنی

خالقین جاوانلاری ائخ کاک پالوژنی

یئنی عصره گئدیر الده بایانلا

دئ ، نئجئ باریشیم مئن بو زامانلا؟

***

جنگی باتا باتا باتیر ذاتیمیز

یاللی یوخ جاز گئدیر جاماعاتیمیز

محو اولماق اوزره دیر مقاماتیمیز

اگر کوسموشوگسه تارلا کامانلا

دئ نئجه باریشیم من بو زامانلا؟

***

گولدوروب اوزونه شارلاتانلاری

بیرلشمیر دونیانین مسلمانلاری

منه فتوا وئرسین دین عرفانلاری

ایکی طریقتله ایکی آذانلا

دئ نئجه باریشیم من بو زامانلا؟

***

آز می دیر بو خالقین دین اشغالچی سی؟

ده له دوز موللا سی گوپچی فالچی سی ؟

حاجی پیوه سی نین ، استحصالچی سی؟

سازش باغلییرسا دینی توکانلا

دئ نئجه باریشیم من بو زامانلا؟

***

دینله دیکجه شیطان چالان هاوانی
ائیلئییریک حاقا قارشی داوانی
چوخو مئهشئردئکی حاقی ، دیوانی
سهو سالیر ائمباوودداکی دیوانلا

ده ، نئجه باریشیم مئن بو زامانلا؟

***

من نسیمی اولادیام آی آرسیز

سیزه قالسا لاپ دریمی سویارسیز

کفنیمه قلم واراق قویارسیز

حاق دونیاسین گوزله ییره م گومانلا

دئ نئجه باریشیم من بو زامانلا؟

***

خیالا دالیرام بیر آن ایچینده

گوناه سیز اللریم آل قان ایچینده

بو شعری یازمیشام زندان ایچینده

من شاعیر رامیزم آز منی دانلا

*

باریشان دئییلم من بو زامانلا

باریشان دئییلم من بو زامانلا

دئ نئجه باریشیم من بو زامانلا؟

اینسانلار غلیظدیر ، دونیاسا فانی
بویوک احتراملا رامیز تکانی

 

 

اطلاعات پست
نویسنده : ادمین
تاریخ پست : جمعه ۱۳۹۳/۱۰/۱۱
دیدگاه

ارسال شده ها 2 دیدگاه برای مطلب “ویدیو / رامیز تکانی متن شعر نجه باریشیم من بو زامانلا؟ + دانلود”

  1. anonymous می‌گه:

    چوخ گوزل..قیزیل سو ایله یازمالی سوزلردیلر بولار

  2. صابر مهدوی تراکمه می‌گه:

    چوخ گزل سوزلر آذربایجان اولکه سی باره سینده
    آذربایجانی آنلایانا چوخ گوزل سوزلر

Telegram Channel: @booloor ,کانال بولور , کانال تلگرام ,کانال ,تلگرام , بولور
موضوعات اصلی

تبلیغات

khabar

عضو خبرنامه شوید:

ایمیل خود را وارد کنید:

آخرین نوشته ها
مطالب پیشنهادی
بازار
برچسبها
Instagram